CUncorsu regionale de poesia sarda

Istillas de lentore

(gocce di rugiada)

III ed. 2009

   

 

 

REGULAMENTU E BANDU

 

Podent partezipare a su cuncursu tottu sos poetas sardos, residentes e non. Sas poesias, iscrittas in sardu, non depent essere istadas premiadas in atteros cuncursos in sos urtimos chimb’annos. Sa partezipazione est libera e gratuita.

 

Seziones. Su cuncursu “Istillas de lentore” si dividit in duas seziones:

 

a) Sezione Sardigna;

b) Sezione Ozzastra.

 

Sos poetas ozzastrinos podent cuncurrere a tottas duas seziones ma cun poesias diversas.

Mentres sa “Sezione Sardigna” est regionale (est aberta a tottu sa Sardigna e bi podent partezipare tottu sos poetas sardos finzas non residentes), a sa “Sezione Ozzastra” sunt ammittidos solu sos poetas residentes in Ozzastra o puru sos ozzastrinos residentes in s’estero.

 

Operas accettadas. Sunt accettados tottu sos tipos de poesia in rima (terzinas, battorinas, sestinas, ottavas, sonettos, unidighinas, modas, muttettos, etc) e finzas chena rima.

Sos partezipantes depent cuncurrere cund’una poesia ebbia e chi non superede sos settanta

 

Variantes linguisticas. Sunt ammittidas tottu sas variantes linguisticas esistentes in Sardigna, cumpresas sas varias faeddadas locales.

 

Tema. Su tema de totas tres seziones est liberu.

 

Zudissiu. Sa commissione, a zudissiu insindacabile, nòminada (si bi sunt), pro onzi sezione, nessi ses finalistas, e tra custos, sos tres pru votados ana essere dichiarados binchidores. Unu o prus Attestados de meritu ana poi poder essere assegnados ad atteras operas ritennidas prus meritevoles.

 

Zuria esaminatrice. Sa cummissione esaminatrice, chi tenet su compitu de seberare sas operas arrivadas, ada essere cumposta dae espertos de proada esperienzia, seriedade e cumpetenzia in ambitu linguisticu e culturale. Prima ‘e sa data ‘e premiazione s’ada fagher’ ischire s’elencu cumpletu de sos cumponentes de sa giuria.

 

Zerimonia de premiazione. Sos finalistas depent partezipare personalmente a sa premiazione. In casu ‘e difficultade o de impedimentu seriu ada essere ammittida sa delega ad un’incarrigadu pro su ritiru ‘e su premiu. In sa zerimonia ‘e premiazione sos poetas depent rezitare sas poesias inviadas e s’ada a procedere a sa proclamazione uffiziale de sos binchidores.

 

Cunfezione ‘e su plicu. S’elaboradu, paris cun s’ischeda ‘e partezipazione, depet essere inseridu intro ‘e una busta pro littera e indirizzada a: Associazione culturale "Sa perda e su entu" - c/o Biblioteca Comunale di Ulassai, c.so Vittorio Emanuele II, 73 – 08040 Ulassai (Og). Sa busta depet tennere, bene crara, s’iscritta “Premiu ‘e poesia sarda “Istillas de lentore” – Ulassa – 3° ed. 2008”.

 

S’ischeda ‘e partezipazione depet cuntennere lumene e sambenadu, indirizzu ‘e residenzia, indirizzu e-mail, tel., sa sezione a sa cale si cheret partezipare e su titulu ‘e sa poesia imbiada.

Pro partezipare ad ambas seziones intro ‘e sa busta si depent ponnere ambas poesias (una pro onzi sezione, in foglios diversos) e in s’ischeda si depet ispecificare su titulu ‘e sa poesia chi si cheret partecipede ad una e a s’attera sezione.

 

Iscadenzia Sas poesias, paris cun s’ischeda ‘e partezipazione, depent arrivare, bia posta o cunsegnadas a manu, intro ‘e su 31 ‘e MARTU 2009 (ada fagher’ fide su timbru postale o, si presentàda a manu, sa ricevuta, timbrada e firmada, cun sa data ‘e cunsigna).

 

Segreteria. Ada esser poi sa segreteria ad aberrere sos plicos, sinnalare sas poesias e darelas a sa commissione. Sas operas no ana esser torradas, restant propriedade de sa Associazione “Sa perda e su entu”, depent essere orginales e ineditas. Su copyright, si esistente, depet appartenere a s’autore chi partecipada a su premiu. S‘inviu ‘e sas operas cumportat sa cumpleta azzettazione de sas normas indicadas in su presente regulamentu cumpresa s’autorizzazione a las impreare, chena iscopu o finalidade ‘e lucru, pro sas attividades culturales de s’associazione.

Su comitadu organizzadore non si leat curpa né responsabilidade pro sos ritardos e/o sos disguidos postales.

 

Premios. Sos autores de sas tres operas ritennidas prus meritevoles ana esser dichiarados binchidores ufficiales de sa sezione a sa cale ana partezipadu. A sos binchidores s’ada cunsegnare una targa. Unu attestadu ‘e meritu ada essere assegnadu a sas opera dignas de una signalazione ispeciale.

A tottu sos partezipantes ada esser cunsegnadu un’attestadu ‘e partezipazione e ana essere inseridos in s’albu litterariu ‘e s’associazione culturale “Sa perda e su entu” attivu in su situ internet www.saperdaesuentu.it.

 

Tempos. Nessi deghe dies prima ‘e sa zerimonia ‘e premiazione ana essere resos notos, cun littera, sos lumenes de sos finalistas. Sa premiazione s’ada fagher intro ‘e su 2009.

Su comitadu organizzadore, in casu ‘e nezessidade, si riservat de modificare, a zudissiu suo, custu bandu pro sa menzus resessìda de s’iniziativa. Onzi cambiamentu ada essere comunicadu su prima possibile.

 

Informaziones. Chiarimentos e informaziones si podent pedire a sa segreteria ‘e su premiu: Ass. cult “Sa perda e su entu” c/o Biblioteca Comunale di Ulassai, c.so Vittorio Emanuele II, 73 - tel. 0782/79149 335/6929179 – fax 1786025775 – o via E-mail a sos indirizzos:

saperdaesuentu@tiscali.it e

ulassai.biblioteca@tiscali.it.

 

 

  

Home

indietro

 

© 2001 - 2008  Giuseppe Cabizzosu